Jubileusz Mariana Makuli

 

Znany Śląski satyryk, autor, publicysta ale przede wszystkim artysta estradowy obchodzi 45 lat pracy twórczej.

Występował w kabaretach „Cmok”, „Rak” oraz „Raki z Nowej Paki”. Jego dorobek artystyczny jest imponujący. Ma on na swoim koncie ponad 1500 występów, 500 tekstów, liczne scenariusze, felietony a także szopki noworoczne oraz koncerty i festyny, których był organizatorem.

Z Lechem Majewskim współpracował przy filmach „Młyn i krzyż” (2011), „Szklane usta” (2007), „Angelus” (2001). Wielkim sukcesem scenicznych okazała się jego przeróbka „Zemsty” Fredry na „Pomstę” Makuli.

Życiorys ma bogaty.

Był m.in. żołnierzem, szefem kuchni, górnikiem, nauczycielem, instruktorem kulturalno-oświatowym, mechanikiem samochodowym, restauratorem i przedsiębiorcą.

Ukończył wydział historii na Uniwersytecie Śląskim.

Oto jego monolog pt. „Odezwa do braci Hanysów”.

„Maine libe kameraden!

Po prawie 100 rokach kiśniyncio w poltońskim szałocie, skuli braku ślonski kindersztuby , ślonski godki, ślonskigo myślynio i  a przejde wszystkim   widokow na  rozwój  Wierchnigo Ślonska , przyszoł czas co by stworzyć ZONŚ czyli „Zakamuflowano Opcja Narodu Ślonskigo”

My zakamuflowano opcja ślonski nacyje we piyrwszy raji zażondomy:

Przywrocynio autonomiji nadany nom przez Parlamynt Najjaśniejszy Rzeczypospolity w dwadzieścia dziewiyńćsetnym roku.

Anszlusu Zaolzio do Horni Slesko , w zamian za co łoddomy pepikom Aldrajch ze, Zawierciem, Byndzinem i Dobrowom  Górniczom.

Żondomy dostympu do morza bez eksterytorialno autobana do Gdańska i użyczynio glajzow  na bana Pendolino do Szczecina co by rajzować w te i nazod do Kurort Sopot i kurort Swaine Minde i  łopolać się na bałtyckich plażach przy muzyce kapeli Oberszlyjzyn z Piekor Ślonskich i przy ślonskich szlagrach  Radia Piekary.

Niy chcymy stolycy we wsi Warszawa. We wsi Warszawa zakwaterujemy Burdelswera  do wachowanio naszego gyszeftu,  a stolyca przeniesymy do Katowic eli Łopolo.

Ślonskim kołym historii niy bydom kryncić ani pedały,ani Misiewicze  ale pancerne silniki Opla z Glajwitz i  glans glace z  Oberszlyjzyn Raistag w Katowicach.

Stworzymy ochotnicze terytorialne komando kere wciulo kibolom Legii i nacjonalistom z Biołego Stoku.

Kombajnami z zawiyranych grub przekopiymy metro do San Gan Dolfo co  by emerytowany papiyż Benedykt XVI mog łodprawiać co niedziela mszo w piekarski bazylice.

A kej na biołym koniu przyzubruje do nos z insygniami Fryderyka Barbarossy i Władyslawa Wygnańca potomek Princa pszczyńskigo  Jana Henryka XV Hochberga księcia   Von Ples i ogłosi świynte Cesarstwo Rzymskie Narodu Ślonskigo,  to koła  naszych pancrow marki Opel z Glajwitz  dojadom aż do muru chińskigo i Ślonsk bydzie siyngoł na  zachod po Atlantic ocean, i  na wschod po Himalaje .

Kożdy czy hanys czy gorol kery poprze anszlus wszyjskich ślonskich dziedzin dostanie  krowa do chowanio , familok do remontu , bałplac do posprzontanio po gorolach i 500 zł zadatku na podatek .

W nowy ślonski rzeczywistości:spoltonionym  hanysom i myńszości kero niy poprze autonomije to jest gorolom, chadziajom i innym nacyjom zagwarantujymy miejsca stojonce w autobusach i bankach i gratis bilet do stolycy.

Wprowadzymy pruski dryl i zniszczymy polsko partyzantka a partaczy wyślemy do przeciepanio pustyni błendowski z kupki na kupka. I to by było na tyla.

Hanys Anonim

 

 

Oto „Lokomotywa” w wersji Mariana Makuli

 

Stoji na banie ciufa i sapie

Stoji i charczy łolyj z ni kapie

Pyrsko i chlapie

Stoji i chlapie, jak wulc przed siyniom

Chyba z 30 lot mo spóżniynio

Buch, jaki wor,

Glajzy i tor

Pod sztromym drot

A w środku smrod

A ciufa zipie, hepie, telepie

I jeszcze hajcer bergi w nia ciepie

Platform ty ciufie podopinali

A do wagonow szajs powtykali

Cham z ignorantym siedzi do kupy

Siedzom i grzejom na zicach dupy

W pierwszym wagonie same gorole

Co przyjechali na Śląsk na kole

I tak furgali po cugu ptice

Aże łobsiedli nojlepsze zice

Jedyn sie wkupiol drugi sie wżynioł

I tak sie gorol na Sląsku plenioł

Dzisioj gorole rządzom już wszyndzie

W cugu , w robocie i we urzyndzie

W drugim wagonie lipne ślonzoki

Siedzom i jedzom tuste krupnioki

Jedzom i glyndzom ,słepią , bleblają

Trujom, cudują, w zice dżistają

A ze głośnikow gro melodyja

Ojca Rydzyka z Radia Maryja

A dali potym same belery

Szpicle, agenty, i seks afery

Kożdy geld chapie i afy stroji

A pociąg sapie, rzęzi i stoji

Stoji tak miyndzy Odrom a Nysom

I gro na nerwach nom tu hanysom

I kożdy Hanys bliko na wajzer

Kiej się tu skończy  tyn polski bajzel

I nic w tym cugu nic tam do szpasu

Gory ciaplyty, kupy marasu

I choćby przyszło tysiąc sprzątaczek

Kożdo by miała proszku sto paczek

Kibel, odkurzacz , ajaks i cif

To nie domyjom, taki to syf, taki to syf

Łoroz gwizd. Łoroz świst Para buch, W motor gruch

Już gwizdnol dyżurny, już hajcer za cypel

Szarpnoł i ciągnie do prawa już knypel

I para już ciśnie rułkami pod tłoki

I Piszczą już glajzy, i zgrzypią fest boki

Juz koła sie kryncom, pomału po glajzach

I cug już z banhowu wyruszo we rajza

Wichajstry śmigajom , telepie fest motor

A kola turkocom tak to to tak to to

Tak toto tak to to we cugu durś gro

A kaj to a kaj to, tak cug nom kaj gno

Przez biyda do żyda , zasiłek i pomp

Tak ciśnie nos w zapaść roz hachor roz lomp

I bucho tak z niego smrod bucho buch buch

Bo motor mo  stary i bez  toż juz spuch

Lecz para kaj szpara, durś ciśnie sie tko

I tłoki w cylinrach pocisko i pcho

A tłoki w te, nazod, do gory, i w doł

Łonaczom ta siła na osie do koł

I koła sie kryncom jak ktoś by je cis

Platforma to ciśnie a może to PiS

A może to naród tak ciągnie i pcho

Tak to to, tak to to, tak to to i to

Tak to to tak to to tak to to tak gro

Tak to to tak to to tak to to się sro

 

http://stowarzyszenieswat.pl/marian-makula/